Жена од Чикаго, на 104-годишна возраст, се надева дека ќе добие сертификат за најстарата личност која некогаш скокнала со падобран, по нејзиниот вчерашен тандем скок, кога слетала на аеродром во северниот дел на сојузната американска држава Илиноис.

„Годините се само бројка“, рекла Дороти Хефнер пред воодушевената толпа, веднаш по слетувањето на аеродромот за падобранци во градот Отава, на околу 140 километри од Чикаго, објави „Чикаго трибјун“.

Рекордот за најстар падобранец на светот во Гинисовата книга на рекорди го постави 103-годишната Рут Линеа Ингегард Ларшон од Шведска, во мај 2022 година.

Од аеродромот Скајдајв Чикаго сакаат скокот на Дороти Хефнер да биде внесен како нов светски рекорд, објави локалната телевизиска станица WLS.

103-годишна жена скокна со падобран и го собори светскиот рекорд