Познат британски фотограф на брегот на Сасекс ги фотографирал брановите, а неговото внимание го привлекло еден специфичен кадар, пренесува „Би-Би-Си“.

Имено, фотографот на „Би-Би-Си“, Џеф Оверс во вторникот на социјалните мрежи објави фотографија од немирното море. За кратко, многумина го забележаа истото што го забележал и тој. Во брановите го препознаа лицето на римскиот бог на морео Нептун.

 

View this post on Instagram

 

A post shared by Jeff Overs (@oversnap)

Оверс рекол дека, како и обично, го фотографирал морето додека ветерот дувал со неверојатна брзина од 80 километри на час. Тогаш брановите знаат да направат чудни форми, и дека на момент забележал дека брановите се креваат како рака, а Нептун го видел дури кога пристигнал дома.

„Брановите се распрснуваат во силниот ветер и кога се враќаат назад, повремено прават модели што личат на засечени лица“, вели фотографот, тврдејќи дека воопшто не манипулирал со фотографијата.

 

View this post on Instagram

 

A post shared by Jeff Overs (@oversnap)

Како што објаснуваат научниците, некои луѓе имаат тенденција да гледаат лица во неживи предмети. Апсурдниот феномен, познат во науката како пареидолија е момент кога луѓето препознаваат лица и форми на случајно распоредени точки.