Потресната фотографија на која се гледа како дете старо 17 месеци фрла земја на гробот на својот татко станала вирална во Велика Британија, како обид да се стави крај на насилството во таа земја.

Луис Бегшо (21) бил избоден до смрт во Шефилд во јули оваа година. Неговиот пријател Џордан Кисак на својот Фејсбук профил објавил фотографија од синот на Луис, Картер како става земја на сандакот на својот убиен татко.

„Само мал совет за сите оние кои носат или користат ножеви или огнено оружје. Престанете!“, напишал Кисак покрај фотографијата.

„Размислете пред да употребите нож, или било што друго за да го одземете животот на некој. Почивај во мир, драг мој пријател. Твојот син Картер ќе го дознае секој детаљ за тебе и твојот живот“, напишал Кисал во емотивната објава на Фејсбук, простувајќи се од брутално убиениот пријател.

Мајката на Картер, Оливиа Кили рекла дека се надева дека оваа фотографија ќе премисли барем едно лице од употреба на нож или огнено оружје. Впечатливата фотографија досега на социјалните мрежи е споделена повеќе стотици пати.

Вдовицата на Луис вели дека нејзиниот сопруг бил исклучително грижлив татко.

За неговото убиство се обвинети Џервас Бенет и еден 16-годишник.