Кејт Мидлтон и принцот Вилијам на комеморацијата на принцот Филип беа во придружба на нивниот син Џорџ и ќерката Шарлот. Овој настан кој беше одржан во спомен на починатиот сопруг на кралицата Елизабета, го собра кремот на општеството од цела Европа, а Кејт беше на висина на задачата.

Војвотката од Кембриџ се појави во совршено издание, соодветно за настанот, а сепак елегантна и впечатлива.

Прославената Британка блескаше во фустан од дизајнерката Алесандра Рич, чија цена е 1.495 фунти, а оваа тоалета одлично се вклопи во стилот кој Кејт го негува со години.

Овој црн фустан со бели точки е украсен со подигнати рамена, рол јака, плисиран долен дел, но и ремен околу струкот…Војвотката го надополни стилот со крем ташничка, црни салонки од превртена кожа и обетки со детали од бисери.

Но, повеќето погледи ги „украде“ прекрасната шапка од црна цврста слама со детали од пердуви во крем боја, која на најдобар начин го заокружи ова женско издание.

Вилијам и Џорџ беа стилски усогласени во сини костуми, додека шестгодишната Шарлот ги маѓепса сите присутни во темносино палто со сребрени копчиња и сина машна во косата.