ФОТО | Светлина на Марс: Роверот на НАСА ја откри првата аурора на Црвената планета видлива за човечкото око
Роверот „Персеверанс“, во сопственост на НАСА, ја откри првата аурора на Марс видлива за човечкото око, која е зелена по боја и е создадена од сончева бура од минатата година, објавија научниците.
Препорачано
Претходните аурори забележани на Марс се појавувале само во ултравиолетовиот спектар, но оваа била во видливата бранова должина, како резултат на сончевата бура во март 2024 година, по која следело исфрлање на коронална маса плазма од Сонцето насочена кон Марс.
„Овие најнови набљудувања покажуваат дека предвидувањето на северната и јужната светлина сега е можно на Марс, овозможувајќи им на научниците да го проучуваат вселенското време“, рекла Елис Рајт Кнутсен од Универзитетот во Осло.
Detection of visible-wavelength aurora on Mars: https://t.co/hUVFhuYt0G -> NASA Observes First Visible-light Auroras at Mars: https://t.co/T4enJRUKxt
— Daniel Fischer @[email protected] (@cosmos4u) May 14, 2025
Ова е првпат аурора да биде забележана од површината на друга планета, освен Земјата, додека претходните набљудувања беа направени од орбитата, објавува „АП“.
Лансирана во 2020 година, оваа сонда го истражува кратерот Језеро на Марс од 2021 година, собирајќи примероци од прашина и карпи за евентуално враќање на Земјата.
Овој дел од Марс сега е сув, но се смета дека претходно содржел езеро и речна делта, а може да содржи и докази за древен микробен живот.
