Одморот во летувалиштето Коста Адехе на Тенерифе се претворил во кошмар за мајката на две деца, Ема Хикиј (42), откако се онесвестила на скалите од хотелот и претрпела тешки повреди на главата и вратот.

Според зборовите на нејзиниот партнер Стивен Броам (44), инцидентот се случил откако Ема доживеала сериозна реакција на убоди од комарци, за кои се сомнева дека ја предизвикале инфекцијата и губењето на свеста.

Фатален понеделник

Семејството на 13 јуни го напуштило Даблин на 12-дневен одмор. Меѓутоа, 10 дена подоцна, жената се разбудила со тешка реакција на убоди од комарци и побарала помош во болницата, каде што ѝ била препишана терапија со инјекции.

Иако не се чувствувала добро, таа продолжила да учествува во семејните активности, сакајќи да не им го расипе одморот на своите наследници.

Во понеделникот, 23 јуни, додека се симнувале по скалите од хотелот кон аптеката, Ема одеднаш рекла дека ѝ е лошо, а потоа се струполила и ја удрила главата од бетонот, пренесува „Дејли мејл“.

„Почна да се грчи. Беше ужасна глетка“, рекол Стефан.

Mother left fighting for life after Tenerife hotel accident caused by mosquito bite | Daily Mail Online https://t.co/VLW775Hia3

— Patricia Jenkins (@patriciapicture) July 1, 2025

Можни се секундарни компликации

Веднаш била повикана брза помош, а во болницата било утврдено дека имало крвавење во мозокот и фрактури на вратните пршлени. Поради сериозноста на повредите, лекарите ја ставиле во индуцирана кома и ја префрлиле на интензивна нега, каде што и понатаму се наоѓа.

Стивен наведува дека лекарите извршиле операција и откриле згрутчувања на крвта кои создавале притисок на мозокот, но сè уште не е познато какви ќе бидат последиците кога Ема ќе се разбуди.

„Можни се секундарни компликации, па затоа таа во моментот е поврзана на апарати. Беше лошо цела недела и претпоставуваме дека сето ова е предизвикано од убодите од комарците, терапијата, високата температура и обидот да издржи за доброто на децата. Тие убоди буквално ѝ го исцицаа животот. Ги има десетици од нив на нејзиното тело, болни се, а се претворија во модринки“, рече Стивен.

Помош од пријател

Во меѓувреме, пријател на семејството започна кампања за собирање помош на платформата GoFundMe, со цел да им помогне на Стивен, кој е самостоен занаетчија, како и на децата Софи (13) и Боби (7), додека чекаат закрепнување на несреќната жена во Шпанија.

Стивен е загрижен и за финансиите, бидејќи не е сигурен дали патничкото осигурување ќе ги покрие сите трошоци.

„Болницата наплаќа 1.400 долари дневно, а хотелот во кој сме сместени во моментов е многу скап. Покрај тоа, децата треба да се хранат и да се анимираат, а јас сега не можам да работам. Осигурувањето бара дополнителни проверки и не сме сигурни дали ќе покријат сè“, објаснил тој.

На крајот, тој истакнува дека семејството нема да се врати во Ирска додека Ема не е во состојба самостојно да лета.