Меланија Трамп / Фото: Profimedia

ФОТО | Повторно се појави инстаграм профилот на Меланија Трамп како прва дама на САД

По победата на Доналд Трамп на претседателските избори, на Инстаграм повторно се активираше профилот на Меланија Трамп како прва дама на САД.

Тој профил беше отстранет, или архивиран, откако семејството ја напушти Белата куќа кога Доналд Трамп ги загуби изборите од Џо Бајден.

Сега тој повторно се појавува со пребарување на платформата каде што го следат 4,8 милиони луѓе. Профилот се вика @flotus45, но наскоро се очекува името да биде @flotus47, со оглед на тоа што Меланија ќе биде 47-та прва дама на САД.

Фото: Принтскрин/ Инстаграм

„Првата дама М. Трамп е архивирана. Ова е архива на профили на администрацијата на Трамп што ја одржува Националната администрација за архиви и записи (НАРА)“, се вели во описот на профилот.

Приватниот профил на Меланија го следат над два милиони луѓе и таа е активна таму во последните години, додека не беше прва дама.

Кога Доналд Трамп победи на претседателските избори во 2016 година, Меланија стана првата дама на САД. Тоа беше само втор пат во историјата жена родена надвор од САД да стане прва дама на земјата.

Првата беше Луиза Адамс, сопругата на шестиот американски претседател Џон Квинси Адамс. Меланија сега ќе биде на оваа позиција по втор пат.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот