ФОТО | Ова е правнуката на Тито: Мајка ѝ е Броз, татко ѝ е познат актер, а таа се откажа од славното презиме
Саша Броз, внука на Јосип Броз Тито, е призната хрватска театарска и телевизиска режисерка. Во бракот со актерот Ранко Зидариќ ја доби ќерката Сара, која за животна професија избрала друг вид уметност – ликовна.
Препорачано
View this post on Instagram
„Еве нè во Дет Лил Апотек, го славиме на Сара 30-тиот, а мојот, исто така, 30-ти (+26 ДДВ). Уживаме бидејќи Копенхаген е град за хедонисти. Испраќаме прегратки од најстариот ресторан во градот кој работи од 1720 година и бил омилен ресторан на Ханс Кристијан Андерсен“, напишала Саша Броз во октомври со фотографијата со Сара, која, патем, не го носи ниту презимето на мајка си ниту на татка си.
Имено, младата академска сликарка сакала да се ослободи од товарот на познатите родители, па го зела презимето на својата прабаба Херта Хас, една од четирите официјално признати сопруги на Тито.
Херта Хас, богата Словенка со еврејски корени, го запознала маршалот во Париз во 1937 година кога како курирка од Загреб до француската престолнина донела фалсификувани пасоши за шпанските војници. Сепак, врската ја започнале дури по две години и набрзо се венчале во Загреб. Недолго потоа, Тито заминал во Белград на задача, каде што започнал врска со Даворјанка Пауновиќ, поради која ја оставил бремената сопруга. Херта го родила синот Александар-Миша, а починала во 2010 година во Белград.
View this post on Instagram
Александра Саша Броз ја поддржала одлуката на својата ќерка, бидејќи цел живот го чувствувала истиот товар. Додуша, Сара се презивала Зидариќ, по нејзиниот татко, но и тој е добро познат и во уметничките и културните кругови.
– Почувствувавме дека тоа дојде природно и дека има смисла – објаснила Саша пред две години, поради што таа и нејзиниот поранешен сопруг прифатиле нивното единствено дете во иднина да се претставува како Сара Хас.
Внуката на Тито откри: Ќерка ми сака да избега од товарот на познатото презиме
„Јованка, еве го твојот!“: Шербеџија призна дека сопругата на Тито го обожавала
