ФОТО | Ова е највисокото село во Европа: Место каде што луѓето живеат отсечени од светот шест месеци во годината
Откако УНЕСКО го стави ова село под своја заштита, Ушгули во последните години стана сè поинтересна туристичка атракција.
Препорачано
Ушгули е највисокото постојано населено село во Европа. Се наоѓа во покраината Сванети на северозапад од Грузија, на надморска височина од 2.100 метри, пишува „Пункуфер“.
Животот во подножјето на планината Шхара, која е дел од Кавказ, се одвива без прекин околу 2.000 години, но тоа не е лесно. Сванети е едно од најизолираните места во оваа европска земја, со лоша патна инфраструктура, а таму паѓа снег шест месеци во годината.
Поради зимските услови, речиси е невозможно да се стигне до жителите на Ушгули половина година. Во селото живеат околу 70 семејства, или околу 250 луѓе. Тие се горди и сериозни жители кои го зборуваат сванскиот јазик и главно се занимаваат со сточарство.
Селото има етнографски музеј, а посетителите во близина можат да ја посетат капелата Ламарија од 12 век, полна со прекрасни фрески.
