Насловната страница на септемврискиот број на британскиот „Вог“ ја красат четирите жени кои веќе три децении ја дефинираат идејата за светската мода – Наоми Кембел, Синди Крафорд, Линда Евангелиста и Кристи Тaрлингтон.

Ова е нивна прва заедничка фотосесија по речиси 34 години. Имено, овие четири дами, заедно со покојната Татјана Патиц, се појавија на насловната страница на истото списание во јануари 1990 година.

При разговорот со главниот уредник на британскиот „Вог“, Едвард Енинфул, тие проговорија за нивните кариери, за љубовта и за семејствата.

„Од доцните осумдесетти години до средината на деведесеттите години, високата мода прерасна во основна забава. Во центарот на оваа трансформација беа Кристи, Наоми, Синди и Линда. Нивната комбинација од неверојатно фотогенични карактеристики, самодоверба, дух, интуитивен стил, љубопитност и работна етика претставуваше пресврт за индустријата. Оттогаш, тие светла никогаш не се изгасија“, стои во најавата на „Вог“.

Прекрасните фотографии од овој едиторијал се на фотографот Рафаел Павароти, а за стајлингот на моделите се погрижи Едвард Енинфул.

Ова ексклузивно интервју доаѓа во пресрет на претстојниот документарен серијал „The Supermodels“, кој ќе почне да се емитува наесен на Епл ТВ+.

Овој документарец ќе прикаже интервјуа со супермодели, кои ќе дадат увид на нивните кариери и ќе се потсетат на нивните манекенски почетоци.

Ја живеат својата нова младост: Познати дами кои докажуваат дека вистинската забава започнува во вашите 50-ти