Македонската кошаркарска сениорска репрезентација ноќеска слета во Талин, а денеска напладне го одржа и првиот тренинг во арената „Унибет“.

Кошаркарите, предводени од селекторот Александар Јончевски и неговите стручни соработници Никола Велев и Александар Јованчев, ќе излезат на теренот во веќе распродадената арена утре, петок (21. февруари, 2025 година) во 19.00 часот.

Естонија ни е познат противник, познат ни е и теренот. Останува само уште победа со која ќе се „одржиме“ во игра за пласман за Евробаскет.

Во рамките од квалификациската група Х по седум бодови имаат Естонија и Литванија, а пет Македонија и Полска.

На 24 февруари Македонија ќе го игра последниот меч во квалификациите против Полска која заедно со Кипар, Финска и Летонија ќе го организираат следното Европско првенство од 27 август до 14 септември 2025 година.

Македонија ослабена во Талин: Против Естонија без Теодор Симиќ