На американската музичка ѕвезда Џенифер Лопез ѝ бил забранет влез во бутикот на Шанел во трговскиот центар „Истиње Парк“ во Истанбул, објави „Турки тудеј“, а пренесува „Пејџ сикс“.

Jennifer Lopez refused entry into Chanel store — and has surprising reaction: report https://t.co/yAnLAWOydU pic.twitter.com/Rncpw3fXeE

— Page Six (@PageSix) August 7, 2025

Таа реагираше на ова на начин на кој многу други ѕвезди не би реагирале.

Кога обезбедувањето ѝ кажало дека не може да влезе, Лопез не се вознемирила, туку само рекла „Добро, нема проблем“ и си заминала. Потоа вработените во бутикот ѝ пришле, се извиниле и ја поканиле да се врати, што таа го одбила.

Американските новинари го контактираа менаџерот на пејачката во врска со оваа вест, но не добија одговор. Наместо во „Шанел“, таа купувала во други луксузни бутици како „Селин“ и „Бејмен“.

Инаку, на 5 август таа одржа концерт во Истанбул во рамките на турнејата „Up All Night“. Кон крајот на минатиот месец го прослави својот 56-ти роденден во Анталија, а дел од атмосферата објави на социјалните мрежи.

Пејачката ќе ја заврши гореспоменатата турнеја на 10 август, кога ќе настапи во Алмати, Казахстан.