Maкедонскиот напаѓач Бојан Миовски сезонава игра во одлична форма и на 36 натпревари во дресот на Абердин постигна 22 гола.

Последните два погодоци Миовски ги постигна во натпреварот од Купот на Шкотска против Бониринг Роуз. По натпреварот Миовски покажа и дека освен што е одличен голгетер е и голем човек.

Очекувано со формата во која игра Миовски стана миленик помеѓу фановите, па така едно детенце на трибините го побара дресот на македонскиот голгетер со транспарент на кој пишуваше.

„Миовски – најдобар во светот! Те молам ако може да го добијам твојот дрес, ти си мојот омилен фудбалер! СУИИИ-БМ9“.

Миовски по завршувањето на средбата ја исполни желбата на детенцето кое сигурно беше пресреќно. Инаку, во каква форма игра Миовски најдобро зборува изјавата на искусниот стратег на Абердин, Нил Ворнок.

„Верувале или не, му кажав да постигне неколку гола и да излезе на полувреме. Кога ги постигна головите си намигнавме и одлучивме дкеа е доволно. Миовски е еден врве напаѓач и тоа го докажува во секој натпревар. Низ кариерата сум имал многу проблеми со напаѓачите, иронично е што дури во оваа фаза го добив најдобриот напаѓач кој сум го тренирал“, изјави Ворнок

ВИДЕО: Бојан Миовски со два гола за Абердин и четвртфинале во шкотскиот Куп