Хрватската пејачка Северина Вучковиќ и нејзиниот поранешен партнер Милан Поповиќ не ги кријат своите реакции во медиумите, а и на социјалните мрежи, откако на пејачката по вторпат ѝ беше одземено старателството над синот Александар, во корист на таткото.

Оттогаш, Северина изнесе бројни детали и осуди против Поповиќ, но и хрватскиот правен систем. По одлуката на Врховниот суд во Загреб, како и големиот притисок од јавноста, Милан Поповиќ даде куса изјава, посочувајќи дека единствената одлука која била донесена е во корист на нивниот малолетен син.

Но, сега реши да ја испровоцира поранешната партнерка, па на својот инстаграм-профил објави фотографија со натпис: „Една е мајка, но има повеќе татковци, нели?“.

Не требаше многу време да се „запалат“ социјалните мрежи, па под фотографијата имаше коментари за поддршка, но и голем број од оние кои ја осудија ваквата објава и дадоа поддршка на Северина.

„Тој е единствен за неа, не за тебе“; „Детето не расте во стомакот на таткото, туку во стомакот на мајката“; „Господине, по оваа изјава дајте ѝ го на мајката нејзиниот единствен син…Мајка е мајка. Вашата изјава е навистина цинична“, беа дел од коментарите.

Да потсетиме, на својот прв настап по оваа судска пресуда, Северина прочита говор во кој ги поддржа сите мајки кои се борат со истите проблеми зборувајќи и за нејзината борба, откако ја испеа нејзината емотивна песна „Роѓено мое“.

Северина за Милан Поповиќ: Тој сѐ уште ме сака, не може да му помине еден ден без мене

Северина не е единствената: Овие славни дами го изгубија старателството над своите деца