Познатата актерка Камерон Дијаз откри на почетокот на 2020 година дека со рокерот Бенџи Маден ја добила ќерката Радикс, а сега тричленото семејство првпат е фотографирано заедно.

Камерон Дијаз се повлече од светот на глумата уште пред неколку години, иако сите ѝ нудеа бројни улоги. Тогаш како причина го наведе тоа дека сака да му се посвети на семејството, далеку од светлата на рефлекторите и црвените теписи.

После бројните љубовни бродоломи, среќата ја пронајде покрај рокерот Бенџи Маден (42), а на почетокот на 2020 година ја шокираше јавноста со информацијата дека станале родители.

За нејзината бременост се шпекулираше со месеци, иако, всушност,сè уште не е познато дали актерката се породила или ќерката ја добиле од сурогат-мајка.

Сепак, иако ја криеја својата интима од очите на јавноста, папараците конечно ги фотографираа заедно во јавност, а фотографите го обиколија светот со брзина на светлината.

Двојката беше фотографирана како ја напушта својата вила во Лос Анџелес, одејќи во ресторан, сите лежерно облечени, а Камерон ја носела в раце ќерката. Сите се согласуваат – малата Радикс изгледа преслатко.

Кога станува збор за родителството, актерката никогаш не сакаше да коментира премногу. Единствено откри дека нејзиниот сопруг е прекрасен татко и дека се чувствува среќно бидејќи секогаш ѝ е при рака, а на крајот на денот, таа доби време за себе додека тој се грижи за нивната ќерка.

Како што стојат работите, таа не планира да се врати наскоро во светот на актерството, барем додека Радикс не порасне.