ФОТО | Девојка објавила фотографија од ресторанот и се шокирала кога добила сметка од 58.000 евра
![](https://www.slobodenpecat.mk/wp-content/uploads/2023/12/FotoJet-2023-12-11T110445.581.jpg)
Кинезинка останала шокирана кога во ресторан во Кунминг добила сметка во износ од 430.000 кинески јуани или 58.000 евра. Сепак, ресторанот не бил виновен и таа набрзо сфатила што згрешила.
Девојката нарачала неколку локални специјалитети во друштво на пријатели, па решила да направи селфи во ресторанот и да ја објави фотографијата на WeChat, кинеската верзија на Инстаграм. Но, таа не била свесна дека на фотографијата се гледа QR кодот на ресторанот, а нејзините следбеници решиле да се пошегуваат, па го скенирале кодот и почнале да нарачуваат храна, пишува „Дејли меил“.
Chinese woman is landed with a restaurant bill for £50,000 thanks to a social media gaffe https://t.co/3krl7uAbJK
— Hannah Forest🔴⚪⚽ (@hannahforest) December 8, 2023
Ресторанот бил преплавен со нарачки. Биле порачани вкупно 1850 порции патки, 2580 порции лигњи и 9990 порции ракчиња. Кога сфатила што се случило, ја избришала објавата, но нарачките продолжиле да пристигнуваат во ресторанот.
![](https://www.slobodenpecat.mk/wp-content/uploads/2023/12/Screenshot-2023-12-11-110422.jpg)
За среќа, ресторанот не ѝ наплатил, а за да не се повтори слично, вовеле нов систем каде клиентите можат да нарачуваат храна само со QR код, доколку се во непосредна близина на ресторанот.