Поп-принцезата Бритни Спирс со години е во лоши односи со своите родители, а иако нема знаци дека ќе се смири со својот татко, кој со години ѝ беше законски старател, се чини дека односите со нејзината мајка добија пресврт за подобро.

Бритни сега на Инстаграм отворено рекла како се чувствува откако ја посетила нејзината мајка Лин Спирс.

„Мојата слатка мајка ми се појави вчера на врата по три години, помина толку многу време. Со семејството секогаш има работи што треба да се решат, но времето ги лекува сите рани. Среќна сум што можам да го споделам она што го држев исклучително долго, се чувствувам толку благословена што успеавме да се обидеме да ги поправиме работите. Те сакам многу. Многу сум благословена што можеме да испиеме кафе заедно по 14 години“, напишала Бритни покрај фотографијата од себе кога била мала.

Таткото на Бритни, Џејми, беше нејзин старател 13 години и ги контролираше, како нејзиниот приватен живот, така и нејзините финансии. Старателството заврши во ноември 2021 година.

Бритни не ја поканила мајка си на венчавката: Лин Спирс се огласи на „Инстаграм“

Поранешниот сопруг на Бритни Спирс се обидел да ѝ ја уништи свадбата: Полицијата го уапсила

ВИДЕО | Нов документарец за Бритни Спирс открива бизарни детали од животот