Кејт Мидлтон уште еднаш покажа дека најдобрите комбинации се веќе во нејзиниот гардеробер. Војвотката од Кембриџ (40) дојде со својот сопруг во Вестминстерската палата за да им оддаде почит на воените жртви од Австралија и Нов Зеланд.

За таа прилика таа облече бел фустан со потписот на Александар Меквин, кој може да функционира и како капут. Покрај него таа ги носеше обетките на принцезата Дијана, лентата за коса од Џејн Тејлор и црни чевли и торбичка.

Кејт веќе неколку пати го носеше истиот фустан. Таа првпат го носеше за крштевката на нејзината ќерка Шарлот во 2015 година.

Го облече и следната година на парадата на британската армија во Лондон. Тогаш го искомбинира со капа украсена со голем розов цвет.

Следната година го носеше во Ипрес, за да ја одбележи 100-годишнината од битката кај Пашендаеле.

Потоа фустанот воскресна на свадбата на Меган Маркл и принцот Хари во 2018 година. Иако некои би набавиле нова креација за венчавката на годината која ја следеа низ целиот свет, Кејт заклучила дека фустанот што веќе го има е најдоброто решение.