Музичкиот продуцент Бени Бланко не штедеше пари за деталите од неговата свадба со Селена Гомез, а неговиот луксузен часовник беше посебна приказна. Двојката се венча минатата сабота, на 27 септември, во Калифорнија, а Бланко избра додатоци за пригодата за кои се проценува дека вредат до 1 милион долари.

 

View this post on Instagram

 

A post shared by benny blanco (@itsbennyblanco)

Младенците и двајцата носеа креации на Ралф Лорен. Бланко, 37, избра класичен црн смокинг и вратоврска-машна, но додаде и луксузен накит. Носеше часовник „Џејкоб и Ко.“ (Jacob & Co. One of One Diamond Boutique) и платинска нараквица од истиот бренд.

Бланко неодамна ја нарече својата нова сопруга, 33, „вистинска принцеза на Дизни“, и се чини дека нивната свадба беше како од бајка.

Часовникот од 18-каратно бело злато е украсен со 21,39 карати дијаманти брусени во Ашока стил и дополнителни 1,05 карати брусени во Ашока трилион стил. Од „Џејкоб и Ко.“ велат дека го редизајнирале својот познат дијамантски часовник ексклузивно за Бланко, создавајќи парче кое отелотворува „и прослава и издржливост“. Подеднакво блескава е и нараквицата, која содржи 29,03 карати дијаманти со смарагдно сечење, сертифицирани од GIA.

@bennyandselena “Jacob & Co. designed Blanco’s custom wedding ring and one-of-one timepiece for his big wedding day.” @benny blanco #selenagomez#selena#selenator#rarebeauty#bennyblanco ♬ Sunset Blvd – Selena Gomez & benny blanco

„Накитот раскажува приказна, а со овие креации по нарачка сакавме да ја доловиме љубовта на Бени и Селена во нејзината најчиста форма“, рече Бенџамин Арабов, извршен директор на „Џејкоб и Ко“. „Секој детаљ, па сè до изборот на камења, беше наменет да го почитува нивното патување и да создаде семејно наследство кое ќе трае засекогаш. Горди сме што сме дел од ова патување“, додаде тој.

Експертот за накит Џулија Хакман Шафе, позната на социјалните мрежи како „jewelswithjules“, верува дека часовникот на Бланк би можел да вреди до 1 милион долари.

@jewelswithjules #BennyBlanco $1 MILLION+ WEDDING WATCH! 💎⏱️ #JacobAndCo #SelenaGomez #selenagomezwedding ♬ Married Life (From “Up”) – Gina Luciani

„Бени Бланко ја носеше оваа гигантска дијамантска нараквица со перниче и часовник со целосно природни дијаманти, кој го препознавам од стариот пост на мојата пријателка Трејси“, рече таа во видеото, анализирајќи го часовникот. „Ова е часовник со дијамант со Ашока стил од Jacob & Co. Само умирам да знам колку чини овој часовник. Претпоставувам дека е некаде во опсегот од над милион долари, знаејќи ги цените на часовниците на Jacob“, заклучи таа.