Луксузниот моден бренд „Баленсијага“ не престанува да изненадува. Во колекцијата есен 2025 година беа претставени необичните чевли наречени „Нула“ (The Zero).

Модна куќа вели дека овие чевли ја претставуваат „суштината“ на обувките и дека нејзината цел е да „имитира“ одење со боси нозе. Овие чевли се направени од пена и имаат само делови за прицврстување на палецот и петата, и во суштина претставуваат тенок ѓон кој може да се носи.

По нивното преставување во јавноста од страна на дизајнерот на „Баленсијага“, Демна Гвасалија очекувано имаше многу негативни реакции на социјалните мрежи за овие „револуционерни чевли“.

„Ова е врвот на нивната глупост. Апсолутно никогаш не би го носел ова“; „Се прашувам која будала ќе го купи ова“; „Токму кога мислам дека ‘Баленсијага’ не може да биде полошо, таа го прави тоа“, се некои од коментарите на социјалните медиуми.

Иако многумина се потсмеваат на чевлите, голема е веројатноста дека тие ќе станат тренд меѓу познатите личности како Бјанка Ценсори и Ким Кардашијан поради фактот што сакаат да привлекуваат внимание со необични модни изданија.

 

View this post on Instagram

 

A post shared by KAASVISION (@kaasvision)

ФОТО + ВИДЕО | Новиот моден подвиг на Ким Кардашијан