Катастрофалниот земјотрес однесе преку 41.000 животи во Турција и Сирија, а во знак на почит кон настраданите, македонскиот фудбалски шампион се одлучи во пролетниот дел од сезоната да игра во посебни дресови.

Шкупи до крајот на оваа натпреварувачка сезона ќе настапува во црни дресови во чест на жртвите од Турција и Сирија.

Турскиот сопственик на клубот од Чаир, Олгун Ајдин им се заблагодари на сите оние кои уште еднаш потсетија на важноста на хуманоста во овие тешки денови на Турција и на сите народи кои дадоа помош.

Претстојниот викенд ќе продолжи Првата македонска фудбалска лига, чаирчани в недела од 14.00 часот ги очекува дуел против Шкендија.

Моментно играчите предводени од тренерот Гоце Седлоски се на второто место на табелата со 34 бодови, три помалку од водечката екипа на Струга Трим Лум.