Филипче: Уште еден пациент поврзан со докторката од Кожната клиника е заразен со коронавирусот (ВИДЕО)
Се спрема испуст на уште една пациентка, која има два последователно негативни тестови, и таа ќе биде пуштена на домашно лекување.
Министерот за здравство Венко Филипче во моментов одржува прес-конференција во Владата, на која ги изнесе најновите податоци за новозаболените 24 пациенти од коронавирусот во земјава, кои се евидентирани во последниве 24 часа.
– Во изминатите 24 часа се регистрирани 24 нови случаи на коронавирус во земјата. По градови: Скопје (15), Куманово (4), Дебар (2), Охрид (1), Штип (1), Тетово (1). Со ова вкупната бројка на дијагностицирани пациенти со КОВИД-19 денеска до 12.00 часот изнесува 201 лице – истакна министерот.
Има уште еден пациент кој е зарзен со вирусот, а поврзан со лекарката од Кожната клиника, рече Филипче.
Според местото на живеење, досега случаи на КОВИД-19 се регистрирани во: Скопје (123), Дебар (43) од кои 2 починати, Куманово (15) од кои 1 починат, Штип (8), Велес (3), Охрид (3), Кавадарци (2), Прилеп (2), Гостивар (1), Тетово (1) – рече Филипче.
Министерот истакна дека од Клиниката за инфективни болести и фебрилни состојби се испишани 2 пациенти кои на два контролни теста на Ковид-19 имале негативен резултат. Се спрема испит на уште една пациентка, која има два последователно негативни тестови, таа ќе биде пуштена на домашно лекување.
– Пациентите се во добра здравствена состојба и се пуштени на домашно лекување. Со ова во земјата досега има тројца излекувани пациенти и тројца починати – рече Филипче.