Филипче: Ние не спиевме за време на пандемијата и ја менаџиравме кризата
Министерот за здравство, Венко Филипче на денешната трибина на СДСМ во Гостивар, зборуваше за третманот на пациентите, за тоа како ќе продолжи да се одвива истиот во иднина, но и за пандемиајта со ковид-19.
– По 70 години нашите пациенти може да добијат, нова современа медицинска услуга во еден систем кој пружа многу помодерна здравствена заштита. Нема да застанеме тука ќе ги слушаме барањата на пациентите и на граѓаните за да го надградуваме нашиот медицински ситем. Само тука во гостиварската болница се реновираше хируршото оделение, операциските сали, се купи нов апарат за рендген, а за нецели 2 месеци за првпат во историјата на градот оваа болница ќе добие апарат за магнетна резонанса и ќе нема потреба да се патува во Скопје или во било кој друг град – рече Филипче.
Тој го обвини ВМРО-ДПМНЕ дека за време на пандемијата постојано ширел лажни вести и клеветеле.
– Знаеме дека нивните закани се закани на страв и несигурност, додека ние не спиевме да ја менаџираме кризата тие се будеа со идеи како политички да профитираат – истакна Филипче.