Еурофарм Пелистер во рамките од 11 коло во македонската ракометна Супер лига на домашен терен со убедливи 38:14 (18:7) го совлада Вардар Неготино.

Во победничките редови доминираше Петар Атанасијевиќ со 14 голови, а на спротивната страна Лазар Адамовиќ реализираше пет погодоци.

Од трибините во салата „Боро Чурлевски“ триумфот на Еурофарм Пелистер го следеше и новото засилување Филип Кузмановски, нашиот репрезентативен бек кој според најавите ќе биде официјално промовиран како нов играч на битолската екипа в понеделник.

Во групата „Б“ Еурофарм Пелистер, актуелниот шампион повторно е израмнет со Вардар 1961 на врвот на табелата со по 30 бодови.

Вардар Неготино останува на до сега единствените две победи и моментно е на последната осма позиција со шест бодови.