Светската кошаркарска федерација (ФИБА) остро го осуди говорот на омраза и отвори истрага против македонската кошаркарска федерација по инцидентот на натпреварот меѓу Македонија и Романија кој се оддржа на 3 август во Куманово каде што дел од навивачите упатија навредливи зборови кон Албанците, додека македонските државни функционери пасивно набљудуваа од трибините.

„ФИБА безрезервно и остро го осудува говорот на омраза и дискриминаторскиот или расистички јазик во каква било форма. Активно ја промовираме изградбата на инклузивна и почитувачка средина за сите играчи, тимови и навивачи како врвен приоритет во спортот“, велат од ФИБА.

Од основното јавно обвинителство Куманово вчера соопштија дека собираат снимки со цел да се идентификуваат сторителите и се во тесна соработка со вклучените национални федерации, како и со локалните власти и органите на редот.

За инцидентот се огласија министерот Тошковски и премиерот Мицкоски кои се спротиставија на „ксенофобичното и националистичко скандирање“ и посочија дека станува збор за поединци.

Од ДУИ, пак, велат дека „на настанот се слушнале антиалбански слогани, расистички скандирања и чист етнички говор на омраза против Албанците“.

Реакции имаше и од политичката партија СДСМ, коалицијата ВРЕДИ, како и од политичари во Косово и во Албанија.