На тој начин Вардар ја продолжува победничката серија во летните подготовки пред настапот во новата сезона.

Денеска „црвено-црните“ го совладаа освојувачот на струшкиот турнир, грчкиот состав на АЕК со седум голови разлика.

Во листата на стрелците повторно доминираше руското лево крило Тимур Дибиров со 10 погодоци. Три помалку во победничките редови запиша словенечкиот плејмејкер, Сташ Скубе.

Претходно македонскиот и европски шампион во малата сала на СЦ „Јане Сандански“ беше подобар и од вториот претставник во ЛШ сезонава, Еурофарм Работник.

Не е познато дали Писонеро ќе смета на сите ракометари за претстојниот настап на неофицијалното Светско клупско првенство во Саудиска Арабија.