Во својот нов суперлигашки натпреваар оваа сезона екипата на Еурофарм Пелистер славеше над Тиквеш со висок резултат 30:21 (16:9).

Тоа беше уште еден триумф за битолчани во рамките од групата „Б“ за моментно прво место со 16 бодови, додека Тиквеш е на четвртото место со 10.

На дуелот во салата „Боро Чурлевски“ први стрелци во победничките редови беа Ојлески, Стоилевски и Костески со пет голови.

На спротивната страна шестпати во листата на стрелците се заапиша Димовски, по четири погодоци имаа Дрогришки и Хамзиќ.

Денеска играчите на данскиот тренер Ларс Валтер ги добија противниците во групната фаза на ЕХФ Лигата на Европа.