Денеска во својот последен четврти натпревар на меѓународниот ракометен турнир во Добој, Босна и Херцеговина, екипата на Еурофарм Пелистер загуби од ППД Загреб со 24:26.

Најдобар стрелец во редовите на Еурофарм Пелистер беше Кузмановски со шест голови, а на спротивната страна за Хрватите Чупиќ постигна осум.

На тој начин актуелниот македонски шампион ја освои шестата позиција во Добој.

Претходно на стартот од турнирот играчите на тренерот Александар Јовиќ загубија од египетскиот Ал Ахли со 23:34.

Во вториот меч битолскиот состав убедливо го совлада тимот на Слога Добој со 39:24, а во третиот натпревар претрпе пораз од францускиот Монпелје со 26:29.