Лионел Меси доби уште еден голем адут за да остане во Барселона и по крајот на оваа сезона кога му завршува договорот.
Аргентинскиот репрезентативец Серхио Агуеро ги договори личните услови со Барселона и останува само да се стави потпис на договорот и како слободен играч на лето да се пресели на „Камп Ноу“.

Пред неколку недели, одличниот напаѓач најави дека на крајот од сезоната по 10 години ќе ги напушти Манчестер сити и Премиер лигата каде стана најдобар стрелец во историјата кој е странец.
Договорот му истекува на лето и одлучи да не ја прифати понудата на Сити и Пеп Гвардиола и во 33 година да побара нов предизвик, и изборот падна на Барселона.
Агуеро до следната сезона би требало да игра со својот кум Лионел Меси, кој пак по доаѓањето на Жоан Лапорта за претседател и со освојувањето на Кралскиот куп, се зголемуваат шансите најдобриот фудбалер во историјата на Барселона да остане и наредната сезона.

Барселона со ангажманот на Агуеро исто така ќе го реши прашањето на елитен напаѓач откако си замина Луис Суарез, но во исто време се намалуваат шансите на „Камп Ноу“ да пристигне Ерлинг Халанд.