„Ер Србија” без државна помош заработила профит од 21 милион евра
Претседателот на Србија, Александар Вучиќ изјави дека „Ер Србија“ постигнала фантастични резултати без никаква државна помош, но нагласи дека сѐ уште не е задоволен од некои компании.
-Имавме извонредни резултати кај Ер Србија, на гордост на секој граѓанин, без никаква државна помош направија профит од 21 милион евра и тоа во услови на ковид и украинскиот конфликт, каде што имате намален број на дестинации и неможност да постигнеш се што сакаш – рече Вучиќ за Танјуг во Давос, каде што учествува на Светскиот економски форум.
– Да се направи таков резултат, Њујорк да стане една од попрофитабилните линии, да се отворат нови линии кон Кина, да се има лет до Чикаго од мај, сето тоа се огромни работи – рече тој и оцени дека тоа е огромен резултат.