Елмас и Барди во топ 20 најскапи балкански фудбалери
Елиф Елмас и Енис Барди се наоѓаат помеѓу највредните фудбалери од поранешните југословенски простори. Во анализата што ја направи „Ал Џезира Балканс“,а на основ на најпознатиот интернет сајт за вредност на фудбалерите “Transfermarkt.com“, вредноста на Елиф Елмас е проценета на 17 милиони евра, додека Барди и проценет на 15 милиони евра.
Интересно е што анализата вкупната вредност на македонските фудбалери изнесува 56.7 милиони евра и се наоѓаат на претпоследното место, додека највредна репрезентација има Србија чија вредност изнесува 287.7 милиони евра. На второто место се наоѓа Хрватска чија вредност изнесува 285.35 милиони евра. Трета е Босна и Херцеговина со 160,9 милиони, само еден милион евра повеќе од Словенија.
Највреден фудбалер во моментов од бившојугословенските простори е Словенецот Јан Облак кој брани за Атлетико Мадрид кој е проценет на 100 милиони евра, втор е Босанецот Миралем Пјаниќ (Јувентус) со 70 милиони евра додека трет е Србинот Сергеј Милинковиќ-Савиќ (Лацио) со вредност од 65 милиони евра.