ЕХФ: Македонија трета европска ракометна сила (ФОТО) – Слободен печат
РакометСпорт

ЕХФ: Македонија трета европска ракометна сила (ФОТО)

Како што веќе е познато од сезоната 2020/2021 Европската ракометна федерација (ЕХФ) најави промени во клупските натпреварувања.

ЕХФ го објави ранкингот во кој нашата земја бележи нов голем напредок, пред држави како Унгарија, Шпанија, Данска, Хрватска…

Покрај имињата на куповите ќе се направи обид да се влијае позитивно за да се подигне нивото на квалитетот во истите на повисоко ниво.

Македонскиот ракомет има сигурно место во новата Лига на шампионите и три места во Европската ракометна лига што е големо признание за нашиот клупски машки ракомет.

Принтскрин/eurohandball.com

Одличните резултати во последните три години на Вардар, донесоа бенефит двете титули на „црвено-црните“ во ЛШ и уште едно учество на Фајнал фор турнирот во Келн.

Па така, Македонија е само една од трите земји кои имаат над 100 бодови на листа за европски купови за следната сезона. Подоброрангирани од нас се само Франција и Германија.

Ова значи дека нашата земја воедно го има најдобриот рејтинг на клупски план, Вардар уште долго ќе игра во елитната ЛШ како што е сега конципирана со години во иднина. И во женска конкуренција во сезоната 2020/2021 ќе имаме сигурен учесник во ЛШ, но прашањето е дали воопшто ќе се регистрира клуб гледано од аспект на квалитетот, после завршувањето на „проектот“ ЖРК Вардар.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close