фото: твитер

Еден реванш меч во ЛШ, и уште два во Лига Европа пред празни трибини!

Коронавирусот ги затвора стадионите во најквалитетните европски фудбалски клупски натпреварувања

Шпанскиот министер за здравство, Салвадор Ила, во вторникот препорача спортските настани во Шпанија со голема очекувана посетеност од зоните назначени како висок ризик за коронавирус, како што е северна Италија, да се одржат зад затворени врати.

Ваквите настани ги вклучуваат реванш натпреварот во Лигата на шампионите меѓу Валенсија и Аталанта закажан за 10 март (21.00 часот) на стадионот „Местаља“.

На првиот дуел Аталанта на „Сан Сиро“ во Милано обезбеди висока предност од 4:1 и е поблиску до пласман во четвртфиналето на елитното натпреварување.

Исто така пред празни трибини ќе се играат уште две средби во осминафиналето Лига Европа (први натпревари) закажани на 12 март, Севиља-Рома (18.55 часот) и Хетафе-Интер (21.00 часот).

Во 1/16 финалето „неро-аѕурите“ со две победи го елиминираа бугарскиот Лудогорец, а Хетафе со вкупни 3:2 го исфрли Ајакс. Рома беше подобра од белгискиот Гент, а Севиља од романскиот Клуж.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот