Податоците на британската влада покажуваат дека во Велика Британија од почетокот на пандемијата се потврдени речиси 6,3 милиони случаи на заразени со Ковид-19, а починале 131 илјади лица.

Во средината на јули, Британија направи драматичен пресврт и ги укина готово сите мерки и рестрикции, покрај оние поврзани за самоизолација на заразените и нивниот контакт со останатите, пренесува Би-Би-Си.

Поради оваа владина одлука се очекуваше брз раст на новозаразени, но се случи сосема спротивното.

Здравствените работници се целосно збунети поради брзиот пад на дневните бројки на заразени со коронавирусот не само во Англија туку и во цела Британија.

„Никој не знае што точно се случува“ изјави епидемиологот Џон Едмундс од Лондонската школа за хигиена и тропска медицина (ЛСХТМ).

Британците не знаат дали овие бројки значат дека третиот бран на коронавирусот веќе прошол или се работи за застој на новите зарази, во пресрет на нова криза во земјата.

Во Британија беше забележано зголемување на хоспитализираните лица во болниците. Според нивните податоци, хоспитализирани биле 5,429 пациенти поради коронавирусот, што е раст од 6,5 отсто во однос на претходната недела.

Речиси 77% од возрасните во Британија се целосно вакцинирани, а 90% ја имаат примено барем првата доза на вакцина.

Доколку вакцинирањето покажува добар резултат, тогаш ваквиот план на Џонсон со попуштање на рестрикциите би бил генијален, но доколку тоа не успее, тогаш Британците се соолуваат со нов локдаун.

Велика Британија ги укина мерките, стотици илјади во изолација, маркетите празни: „Ова е хаос“