Џеси Џеј најавува нов албум по борбата со ракот на дојка
Британската пејачка Џеси Џеј објави радосни вести за своите обожаватели. Нејзиниот шести студиски албум „Don’t Tease Me with a Good Time“ ќе биде објавен во петок, 28 ноември. 37-годишната музичарка ја сподели веста на Инстаграм во среда по тешкиот период во кој се бореше со ракот на дојка, пишува „Пипл“.
Препорачано
-
1
-
2
-
3
View this post on Instagram
Албумот, кој ќе ги вклучува претходно објавените синглови „No Secret“, „Believe in Magic“, „And the Award Goes To“ и „Living My Best Life“, веќе е достапен за претходна нарачка. „Има некои потпишани работи и многу работи се случуваат“, им рече таа на обожавателите.
Најавата за албумот доаѓа откако пејачката мораше да ја одложи својата турнеја во Велика Британија и Европа и целосно да ги откаже своите концерти во САД поради дијагноза на рак на дојка и потребата од втора операција. „За жал, морам да се оперирам уште еднаш, ништо премногу сериозно, но мора да се направи до крајот на годината“, рече Џеси кон крајот на август.
„Паѓа на средина од турнејата што ја планирав. Жал ми е, се чувствувам луто и тажно, но треба да се подобрам, треба да се подобрам.“ Концертите во Европа, првично закажани за октомври оваа година, сега ќе се одржат во април 2026 година, додека на купувачите на билети во САД ќе им бидат вратени парите.
Џеси откри во јуни дека ѝ е дијагностициран рак на дојка, а на почетокот на август, седум недели по операцијата, таа се огласи на Инстаграм за да ја сподели веста. „Сè уште сум во процес на закрепнување и моето тело сè уште си го наоѓа патот. Но, ЈАС ЈА САКАМ музиката и ЈАС ГО САКАМ мојот живот и сакам да ЖИВЕАМ во моментот“, напиша таа во тоа време.
Таа неодамна се врати на сцената, настапувајќи на фестивалот „In the Park“ на BBC Radio 2 во Англија на 6 септември. Тоа беше особено емотивен момент бидејќи за првпат нејзиниот двегодишен син Скај Сафир ја гледаше како настапува во живо. „Многу сум благодарна што сум тука“, ѝ се обрати таа на публиката. „Немате поим колку сум благодарна што толку многу од вас пеат со мене по сите овие години. Оваа вечер е посебна бидејќи мојот син првпат ме гледа како пеам на сцена.“
ФОТО+ВИДЕО| Емотивна исповед на Џеси Џеј: „Не можам да си ги допрам градите и лузните“
