Министерството за здравство соопшти дека двегодишното девојче од Кичево кое било претепано до смрт од таткото, во Ургентниот центар во Кичево било донесено во кома.

Таткото од Кичево што до смрт ја претепа 2-годишната ќерка бил приведен после обдукцијата, затоа што мајката во полиција првично тврдела дека девојчето паднало од плакар

Во болницата е донесена од нејзината мајка, а поради критичната состојба малата пациентка е препратена на Ургентен хируршки центар во клиничкиот комплекс Мајка Тереза, а потоа префрлена на Универзитетската Клиника за неврохиргија, во Скопје – се вели во соопштението.

И покрај сите заложби на лекарите, од Министерството додаваат дека за жал, двегодишната пациентка подлегна на тешките телесни повреди на 8 јануари.

Здравствените институции каде беше примена и третирана пациентката, целосната документација за хоспитализацијата и третманот, ја предадоа на надлежните истражни органи – соопшти Министерството за здравство.

Скршен череп, крварење во мозокот и скршени ребра имало двегодишното девојче од Кичево претепано до смрт од таткото