Двајца одат во притвор за потонувањето на сплавот „Фристајлер“ во Белград
По извршеното сослушување, суд во Белград денеска одреди 30-дневен притвор за двајца од тројцата приведени за случајот со сплавот „Фристајлер“, кој потона во реката Сава во новогодишната ноќ.
Во притвор одат директорот и менаџер В.Д. (46) и Р.М. (41), додека сопственикот на сплавот „Фристајлер“ Љ.М. (51) доби мерка „забрана за приближување, средба и комуникација со одредено лице и посета на одредени места“.
Обвинителството по распитот на осомничените предложи да се определи притвор во траење од 30 дена, а судот го прифатил тој предлог за В.Д. (46) и Р.М. (41).
На осомничениот Љ.М. одредена му е мерка „забрана за приближување, средба, комуникација со одредено лице и посета на одредени места“ од член 197 од Законот за кривичната постапка.
Извлекувањето на сплавот „Фристајлер“, кој делумно потона во реката Сава за време на новогодишната забава, е обврска на сопственикот на објектот, соопшти Министерството за градежништво, транспорт и инфраструктура на Србија.
ВИДЕО: Хорор ноќеска во Белград, потона познат сплав, гостите панично бегаа