ДРАМА на лет на шпанска авиокомпанија – Патниците ПОЛЕТАЛЕ кон плафонот, сите мислеле дека ќе УМРАТ – Слободен печат
ВестиПланета

ДРАМА на лет на шпанска авиокомпанија – Патниците ПОЛЕТАЛЕ кон плафонот, сите мислеле дека ќе УМРАТ

Извор од компанијата рекол дека 11-те повредени патници ги игнорирале предупредувањето да се врзат со сигурносен појас активирано пред авионот да влета во зоната со турбуленција.

Откако на летот на шпанската чартер авиокомпанија Евелоп дошло до силни турбуленции на патот за Маурициус, 14 лица добиле медицинска помош во Мадрид, соопштено е денес од таа компанија.

Авионот А330-343 Ербус безбедно слетал на планираната писта на мадридскиот аеродром Барахас во вторник вечерта, после турбуленциите во воздухот кои траеле 15 секунди, после што авионот „пропаднал“ неколку стотина метри над Етиопија, пренесува Ројтерс.

Три членови на екипажот биле меѓу повредените и сите се здобиле со лесни повреди. Извор од компанијата рекол дека 11-те повредени патници ги игнорирале предупредувањето да се врзат со сигурносен појас активирано пред авионот да влета во зоната со турбуленција.

Еден од патниците за весникот Ел Мундо изјавил дека од силата на турбуленцијата некои од патниците „полетале кон плафонот и лебделе во воздухот, како што би виделе во филмовите“, додавајќи дека сите „мислеле дека ќе умрат“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close