Драч станува пристаниште на луксузни јахти
Покрај големиот број туристи во Албанија, летово Драч беше преплавен и со многу луксузни јахти. Закотвувањето јахти во ова пристаниште носи дополнителен приход за туризмот.
„До 20 август, повеќе од 40 мега јахти го посетија пристаништето во Драч. Сезоната во која се движат јахтите започнува во април и продолжува до крајот на октомври, но во зависност од временските услови може да продолжи и во првите денови на ноември“, изјави Таулант Алка, капетан на пристаништето во Драч.
Годинава во Драч можеа да се видат луксузната јахти на заменик претседателот на Обединетите Арапски Емирати, шеикот Мансур, јахтата на олигархот Патох Чодиев и многу други. Некои од нив по којзнае кој пат се враќаат во Албанија, а некои првпат ја посетуваат… Дел од сопствениците на јахтите доаѓаат само за да набават гориво, а нивните сметки се над илјадници евра.