Дора Бакојани за „Слободен печат“: ЕУ го нема луксузот да го остави на чекање Западен Балкан
Прашањето и вниманието мора да се фокусираат на тоа што научивме од овие неуспешни процеси и што можеме да подобриме за да го постигнеме посакуваниот исход, што не е ништо друго туку Западен Балкан во ЕУ.
Ова е дел од одговорот на поранешната министерка за надворешни работи на Грција, Дора Бакојани, сега пратеничка во грчкиот парламент и шефица на грчката делегација во Парламентарното собрание на Советот на Европа во Стразбур на прашањето дали на ЕУ ѝ требаат промени во однос на проширувањето со оглед дека последниот случај со Бугарија и Северна Македонија и злоупотребата на членството во ЕУ од страна на Софија.
– Имаше жива дебата за процесот на проширување во изминатите две години и во Европската комисија и на ниво на ЕУ. Во случаите на Северна Македонија и на Албанија имаше празнини и прашања кои се покажаа како контрапродуктивни за проценката и процесот на проширување. Нема да навлегувам во специфични прашања со Бугарија или со други земји од ЕУ кои во одредени моменти се противеа на проширувањето. Како што реков, ЕУ е унија на земји членки со специфичен сет на стандарди и вредности на кои им е дозволено и имаат право да изразуваат загриженост за време на таков процес. Прашањето и вниманието мора да се фокусираат на тоа што научивме од овие неуспешни процеси и што можеме да подобриме за да го постигнеме посакуваниот исход, што не е ништо друго туку Западен Балкан во ЕУ, рече Бакојани.
Таа додава дека во изминатите две години се работело на подобрување на методологијата на проширување за да биде подинамичен, кредибилен и посилен политички процес.
-Предлогот е веќе усвоен и имплементиран, имаме групирање на пристапни поглавја, повеќе политички дијалог со регионот и пристап врз база на заслуги. Верувам дека ЕУ учеше од изминатите 10 години и ќе може да испорача покредибилен процес на проширување – вели Бакојани.
Целото интервју со Бакојани ќе можете да го прочитате во утрешното печатено издание на „Слободен печат“.