Договор за три години: „Гугл” плаќа 76 милиони долари за авторски права на француски медиуми

Логото на Гугл / Фото: EPA-EFE/HAYOUNG JEON

„Гугл“ се согласи да плати 76 милиони долари на група француски медиуми по долготрајниот спор за авторски права, јавија британски медиуми кои имале увид во документите. Двата документа вклучуваат нацрт договор во кој се наведува дека „Гугл“ е подготвен да плати 22 милиона долари годишно на група од 121 национален и локален француски медиум, откако ќе потпише договори со нив поединечно.

Вториот документ е спогодба според која „Гугл“ се согласил да плати 10 милиони долари на истата медиумска група во замена за откажување од сите сегашни и идни тужби за авторско право во следните три години, колку што трае договорот.

Договорот е постигнат, откако Франција донесе нов закон за авторски права, како дел од поширокиот закон на Европската Унија.

Мерката ги принудува „Гугл“ и другите големи интернет платформи да преговараат со медиумите за да се договорат за плаќање на содржината што ја користат за нивните информативни услуги на интернет.

Договорот беше осуден од други француски медиуми што не се дел од договорот, тврдејќи дека тоа е тајно, нефер и дека не се почитува законот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот