Екипата на Валенсија ја оствари првата победа во новата сезона во кошаркарската АЦБ лига, а македонскиот репрезентативец Ненад Димитријевиќ беше најпрецизен во својот тим.

Валенсија славеше на гостувањето кај Манреса со 69:89, а Димитријевиќ кој беше дел од првата петорка постигна 17 поени и имаше шест асистенции. Покрај Димитријевиќ, Жосеп Пуерто даде 17 поени, додека кај домашниот тим Франциско Силван беше најефикасен со 15 постигнати поени.

Валенсија во првото коло загуби од Басконија со 67:72, а во третото коло на домашен терен ќе игра против Мурсија.