Столе Димитриевски летово би можел да ја смени клупската средина, откако Валенсија одлучи да го стави на трансфер-листата, а веќе се појавуваат и конкретни опции за неговата следна дестинација.

Според шпанскиот новинар Матео Морето, ситуацијата околу македонскиот репрезентативец внимателно ја следи тимот на Мајорка, кој би можела да направи промени на голманската линија.

Имено, интерес за двајцата голмани на Мајорка, Лео Роман и Доминик Гриф покажуваат други клубови, па не е исклучено најмалку еден од нив да го напушти тимот. Во такво сценарио, Димитриевски се наметнува како една од главните опции за засилување на голманската позиција во клубот кој минатата сезона ја заврши на 10-тото место во Ла Лига.

Морето додава дека трансферот на Димитриевски би бил реален само доколку претходно Роман или Гриф го напуштат клубот.