Британскиот премиер Борис Џонсон денес изјави дека коронавирусот нема да го спречи да се ракува со луѓето.

Тој неодамна дури и рече дека, за време на посета на една болница во која престојуваат неколку лица заразени со коронавирус, се ракувал со сите.

„Јас се ракувам“, рече Џонсон на претставувањето на планот на Велика Британија за борбата со ширењето на вирусот, на прашњето како планира да се однесува со официјалните лица со кои се среќава во време на епидемија на коронавирусот.

Тој додаде дека луѓето се слободни сами да одлучат како ќе се однесуваат, како и дека проценка на владата оти е клучно да се мијат рацете.

Претходно, израелските медиуми пишуваа дека израелскиот премиер Бенјамин Нетанјаху за време на предизборната кампања прекина да се ракува со поддржувачите поради страв од коронавирусот.

Не е некултурен, само внимателен: Нетанјаху повеќе не се ракува со поддржувачите