Секако, друга жена е најчеста причина, но има уште бројни причини кои можат да го натераат вашиот партнер да побегне од вас.

Сакате да го промените

На почетокот ви се допаѓаше сè на него. А потоа со тек на времето откривте дека би можел да го промени однесувањето на маса, дека почесто треба да се бричи, дека половина работи во плакарот му се погрешно наместени… Додека вие се обидувате да го смените, тој ќе ве замени вас со некоја друга, која нема да бара промени кај него.

Често одбивате секс

Ова можеби е најголема грешка која жената може да ја направи во врската или во бракот, да одбива секс.
Во ред, понекогаш навистина ќе ве заболи глава, но тие чести мигрени предизвикани од ништо, постајно одбивање во креветот нема кај него да предизвикаат жалење, туку потреба да побара друга жена која ќе му ја задоволи страста. Градници, подвески, високи потпетици во кревет… не се резервирани само за првите месеци од врската. Обновете ја колекцијата, изненадете го во автомобилот… за да не ве изненади тој вас и тоа непријатно.

Го знаете како својот џеб

Ако е така, тој брзо ќе излезе од тој тесен простор кој го притиска. Мажите ги сакаат своите ѕидови и не се трудете да ги урнете. Пуштете го, доброволно ќе ги руши со темпо кое најмногу му одговара. Не брзајте, така ќе ви биде поинтересно и вам.

„Ожени ме“

Долга врска е релативен поим. За некои тоа се шест месеци, за некои се шест години. Ако сакате брак и деца, мора внимателно да балансирате меѓу своите намери и неговиот страв дека бурмата на раката ќе го „стега“ и околу вратот. Ако немате трпение, излезете од врската. Нема да го добиете она што сте го барале, но ќе добиете празен простор за некој нов маж кој го сака истото што и вие.

Тој секогаш е во право

Убаво е тоа што сте тактични и што сте подготвени на компромис, но кога ќе дојде до „искри“ помеѓу вас двајца, кажете што ви пречи. Достоинството е најпривлечно од сите особини.

Секогаш сте достапни

Тоа значи и дека сте потенцијално и здодевни. Мажите се ловци, а помил е тој плен до кој тешко се доаѓа. Ако вие не спаѓате во таквите, бргу ќе ве отфрли и ќе појде во нов поход…

Не сте „вистинската“

Не се само жените оптимистички суштества. И мажите сакаат да носат розови очила на почетокот на врската. Кога ќе ги симнете, не можете да му ги вратите со сила. Не, не. Главата горе и продолжете понатаму.

Не се трудите околу него

Нема да ве остави поради еден невкусен ручек, дури ниту по една година гладување. Ќе ве остави тогаш кога ќе сфати дека воопшто не се трудите околу него, а подготвувањето на храна е само еден од начините на некого да му покажете колку го сакате. Мажите тоа никогаш нема да го признаат, но тие сакаат некој да се грижи за нив, нежно и внимателно, исто како мајка. Тоа не значи дека треба да бидете роб на неговите желби и да му ги исполнувате сите до бескрај, но сепак, потрудете се околу партнерот.

Љубоморни сте

Ви кажува за новата супер колешка, за сосетката, за… Да, вашиот аларм за љубомора има причина да се вклучи, но не и да ѕвони без прекин.

Приговарате

Приговарањето потешко му паѓа од тоа ако сте потрошиле половина плата на нови чевли. Затоа, одете во шопинг наместо да му забележувате зошто не направил ова или она и зошто направил вака наместо така…