На Олимписките игри во Париз веќе се освоени многу медали и повеќето од нив, спортистите веднаш ги ставаат во уста.

Некои од најпознатите спортски фотографии вклучуваат спортисти кои ги гризат медалите откако ги освоија во својата дисциплина.

Од Усеин Болт до Антоан Дипон, олимпијци, фудбалери, рагбисти и спортисти од целиот свет учествуваа во култната пракса.

Гризнувањето на новоосвоените медали стана ритуал кој многу спортисти го практикуваат со децении.

Зошто го прават тоа? Причината се протега далеку во историјата на Олимписките игри.

За сè се виновни новинарите и фотографите, вели Дејвид Валечински, претседател на Меѓународната асоцијација на олимписки историчари.

– Фотографите мислеа дека спортистите со медали во устата се иконски фотографии кои лесно ќе ги продадат утрешните весници. Таквите фотографии можеа да се појават на насловната страница без дополнително размислување. Мислам дека спортистите нормално не би го направиле тоа – објаснил Валечински официјална веб-страница на Олимписките игри, пишува „Дејли мејл“.

Германскиот олимпиец Дејвид Молер освои сребрен медал на Зимските олимписки игри 2010 година. Поради истиот тој медал, Молер останал без заб.

– Фотографите сакаа да ме фотографираат како го држам медалот во забите. Подоцна на вечерата сфатив дека ми пукнал забот – објаснил тој.

Тоа е единствената регистрирана несреќа поради гризнување на олимписки медал. Постоеше и теорија дека спортистите ги гризат медалите за да го проверат квалитетот, бидејќи златото, среброто и бронзата може лесно да се обликуваат во споредба со другите метали.

Но, спортистите не ги гризат поради ова. На Олимпијадата во Париз мора да се доделат минимум 987 медали. Би  можеле да се поделат уште повеќе во случај на поделба на највисоките места на натпреварите. Повеќето ќе имаат траги од забите по доделувањето.