Многу жени ја мијат косата секој ден, што експертите не го препорачуваат. Оваа навика всушност може да направи повеќе штета отколку корист, па затоа треба да престанете да ја практикувате.

Емили Робертсон од „Мира Шоверс“ вели дека многу луѓе веруваат дека секојдневното миење е единствениот начин косата да изгледа чиста.

„Шампонот го лишува скалпот од неговите природни масла, а како одговор на тоа, скалпот произведува повеќе масло, создавајќи „маснен циклус“ кој е тешко да се прекине“, изјави таа.

Таа препорачува да го миете два до три пати неделно, а помеѓу нив да користите сув шампон. Исто така, треба да купите шампон без сулфати.

„Пречестото миење или користењето премногу јаки шампони може да ги иритира фоликулите и да придонесе за проретчување на косата“, рече таа.

Таа исто така потсети дека треба редовно да ги менувате крпите. Во спротивно, крпите стануваат плодна почва за бактерии и габи.