Во светот има 730 милиони гладни луѓе – истовремено, секој ден се фрлаат по повеќе од една милијарда оброци. Кога храната би можела да стигне до нив, на светот не би имало ниту еден гладен човек.

Шокантни податоци покажува Извештанот на Обединетите нации. Околу петтина од храната се фрла. Причините се расипување, лошо планирање или немање пристап до фрижидер или склад.

Најодговорни се домаќинствата – за околу 60% од милијардите тони храна што се фрлаат годишно. Но, и комерцијалните системи за храна, исто така, значително придонесуваат за отпадот, при што услугите за храна сочинуваат 28% од отпадот, а малопродажбата околу 12% во 2022 година, според најновите податоци.

Овие бројки исклучуваат дополнителни 13% од храната што се губи во синџирот на снабдување со храна, помеѓу производството и пазарот, често поради фрлање или расипување на храна за јадење.

Не само што овој отпад е губење на природни ресурси, туку во голема мера придонесува за кризата со климата и биолошката разновидност бидејќи сочинува речиси 10% од глобалните емисии на стакленички гасови. Ова го загрозува дивиот свет во областите каде што се практикува интензивно земјоделство, а повеќе од една четвртина од земјоделското земјиште во светот се користи за производство на храна која подоцна се фрла.