Во тек се подготовки за Спасителна вежба Мрежичко 2021 што треба да се одржи в недела кај кавадаречкото село Мрежичко.

-В.д. директорот на Центарот за управување со кризи (ЦУК) Стојанче Ангелов учествуваше на подготовските за вежбата, а е планирано и активно непосредно да учествува во дел од вежбата, што ќе почне в недела во 10.30 часот со почесен рапорт на Ангелов и поставување спасителен шатор, соопшти денеска ЦУК.

Дополнуваат дека добиле известување од Спелеолошка Федерација на Македонија Прилеп оти почнуваат да го реализираат најавеното за в недела да се изведува Спасителна вежба Мрежичко 2021 – спуштање и извлекување на повредени лица од непристапен терен и индустриски алпинизам.

-Активноста опфаќа користење на техниките на единечно јаже, традиционално користена при спелеолошки активности и спасувања во пештери и нејзина примена во урбана средина. Целта е увежбување на нашиот тим за подготвеност за спасување / извлекување лица од слични објекти (непристапни локации во урбана средина), за што техниките на единечно јаже се најсоодветни, наведуваат од ЦУК.

„Спасителна вежба Мрежичко 2021″ е дел од активностите на Спелеолошка Федерација на Македонија за подобрување на подготвеноста за спасување на лица од непристапни средини.