И во својот втор натпревар од првиот турнир во салата „Парк“ во Струмица најдобрите македонски одбојкари загубија во рамките од Европската златна лига овојпат од Чешка со 3:0 во сетови.

Чесите се покажаа како најдобри на турнирот во Струмица, откако во саботата со истиот резултат беа подобри од Естонија од која пак загубивме на стартот со 3:1.

Селекцијата на Чешка убедливо ги доби сите сетови, првиот со 25:16, вториот со 25:15, а третиот 25:16.

Н. Ѓоргиев баше најефикасен во нашата репрезентација со 14 поени, шест запиша С. Илиев, а четири Ф. Савовски.

На спротивната страна П. Индра имаше 19 поени, а четири помалку Л. Вашина.

Следните два меча избраниците на селекторот Хари Наковски ќе ги имаат во Беверен каде на 25 мај ќе играат против Азербејџан, а еден ден подоцна против домаќинот Белгија.